Hvers virði er Blaðið?

Lestur Blaðsins er í frjálsu falli. Aðeins liðlega 38% meðallestur eftir að hafa komist uppí nær 46% er áfall og mun verða til þess að augslýsigadeild Blaðsins mun "droppa" verði enn frekar en orðið er. Könnunin bendir til þess að mikill meirihluti þeirra sem fá Blaðið inn um lúguna, hendi því án þess að lesa. Jafnvel auglýsingabæklinmgar fá ekki viðlíka útreið.

Sigurður G. Guðjónsson, stjórnarformaður og einn eiganda, á því við vanda að glíma. Hann mun hafa óskað eftir því að Árvakur, útgefandi Morgunblaðsins, keypti sig út en fengið neitun. Ástæðan er einföld: Stjórn Árvakur komst að því að miklu ódýrara væri að stofna nýtt blað en að kaupa Sigurð og Co. út.

Sigurður er því læstur inni og á það á hættu að Árvakur, sem á helming hlutafjár í Blaðinu, ákveði að hefja sjálfstæða útgáfu fríblaðs. Blaðið er bæði prentað og dreift af Árvakri.

Töluvert tap varð á útgáfu Blaðsins á liðnu ári, eftir því sem næst verður komist og janúar og febrúar voru langt undir væntingum. Mars mun hins vegar hafa verið góður, ef heimildir eru réttar. En könnunin nú verður til þess að tekjur munu dragast saman enda vandséð afhverju auglýsendur ættu að beina fjármunum til blaðs þar sem mikill meirihluti, sem fær blaðið sér að kostnaðarlausu, hendir því beint í tunnuna.

Athugasemdir

[Guðmundur Magnússon (IP-tala skráð) 28.3.2007 kl. 17:14]

Ætli vandi Blaðsins sé ekki skortur á sérstöðu? Kannski myndi því vegna betur í erfiðri samkeppni við Fréttablaðið og Morgunblaðið ef það reyndi með afgerandi hætti að aðskilja sig frá keppinautunum í fréttaflutningi og almennum efnistökum.