Ótrúlegt ósamræmi

Mikið ósamræmi er í niðurstöðum skoðanakannana um fylgi flokkanna í Reykjavíkurkjördæmi suður. Stöð 2 birti í gærkvöldi niðurstöðu könnunar Félagsvísindastofnunar, en ekki kom fram hvenær könnunina var gerð. Könnun Gallup fyrir Sjónvarpið og Morgunblaðið, sem kynnt var fyrir nokkrum dögum, mat fylgi Sjálfstæðisflokksins 42,5% en samkvæmt Félagsvísindastofnun er fylgi flokksins 32,6%. Mismunurinn er 9,9%-stig, hvorki meira né minna.

Svipað er að segja um Vinstri-græna. Fylgið flokksins er 4,4%-stigum meira samkvæmt Félagsvísindastofnun en samkvæmt Gallup. Mismunur á könnunum er sýndur hér í töflu að neðan. 

	Stöð2	RUV-MBL	Mis-munur
B	6,7	4,5	2,2
D	32,6	42,5	-9,9
F	6,2	3,9	2,3
I	4,2	5,4	-1,2
S	26,6	24,9	1,7
V	23,2	18,8	4,4

Úrtak í báðum könnunum var 800 manns og svarhlutfall svipað, en þó aðeins skárra hjá Félagsvísindastofnun eða 63%, hafi ég tekið rétt eftir. Könnun Gallup var gerð dagana 15.-19. apríl, en ég hef ekki upplýsingar um hvaða daga Félagsvísindastofnun gerði sína könnun.

Athugasemdir

[Ásdís Sigurðardóttir, 26.4.2007 kl. 22:31]

Er ekki orðin hætta á að menn ofkanni fylgið og allir verði leiðir?