Ótrúleg staða í Reykjavík suður

Nýjasta könnun Gallup fyrir Morgunblaðið og Ríkisútvarpið, leiðir í ljós ótrúlegan mun á fylgi Sjálfstæðisflokksins í Reykjavíkurkjördæmunum. Munar þar hvorki meira né minna en 11,4%-stigum.

Samkvæmt könnuninni er staða Sjálfstæðisflokksins í Reykjavík suður, þar sem Geir Haarde skipar efsta sætið og Björn Bjarnason annað sætið, ótrúlega sterk. Flokkurinn fengi 48,5% atkvæða, sem verður að teljast með hreinum ólíkindum.

Staðan í Reykjavík norður er ekki með sama hætti en ef marka má könnunina fengi Sjálfstæðisflokkurinn 37,1%. Það sem hlýtur að vera merkilegt er að fylgi flokksins er ekki minna í neinu kjördæmi nema í Norðurausturkjördæmi. Það hefði þótt saga til næsta bæjar að fylgi Sjálfstæðisflokksins væri meira í Norðvesturkjördæmi en í Reykjavík.

Athugasemdir

[Heimir Lárusson Fjeldsted, 4.5.2007 kl. 22:22]

Nú spýtir Guðlaugur Þór og maskína hans í alla lófa!

[Anna Ólafsdóttir (anno) (IP-tala skráð) 5.5.2007 kl. 02:02]

Nú finn ég fyrir því að vera brottfluttur Reykvíkingur. Getur þetta haft eitthvað með íbúasamsetninguna í Reykjavík-norður að gera. Er eins mikið af einbýlishúsavillum Guðlaugs megin? Ég bara spyr eins og ... þið vitið hvað

[E.Ólafsson, 5.5.2007 kl. 09:55]

Er þetta ekki bara munurinn á þessum svæðum.  Í síðustu borgarstjórnarkosningum kom til að mynda fram að gríðarlegur munur var á fylgi Framsóknarflokksins í suðri og norðri.  Þannig eru flestir sem styðja Framsóknarflokkinn sem eru í Grafarholti og í öðrum nýjum svæðum borgarinnar.  Þetta hlýtur að útskýra þennan mun, ekki að einhverjir frambjóðendur standi sig illa.