Tækifæri fyrir fjárfesta?

Lítil auglýsing í Markaði Fréttablaðsins vakti nokkra athygli. Þar er verið að leita eftir fjárfestum en auglýsingin er á bls. 14, undir leiðara blaðsins.

 

Athugasemdir

[Púkinn, 9.1.2008 kl. 14:10]

Viðkomandi hefði nú e.t.v. átt að fá einhvern sem getur skrifað sómasamlega íslensku til að lesa þetta yfir.   Ég taldi einar 6 villur í textanum.....þetta lítur ekki mjög fagmannlega út.

[TómasHa, 9.1.2008 kl. 14:11]

Það hefur væntanlega ekkert með íslensku kennslu að gera.

[Þórir Kjartansson, 9.1.2008 kl. 14:21]

Kannski er verið að finna upp nýtt villileitarforrit.

[Bragi Þór Valsson (IP-tala skráð) 9.1.2008 kl. 16:26]

Og ég taldi níu stykki.  Ætti Púkinn ekki að standa sig betur í því en ég? Reyndar er Púkinn víst frægur fyrir að sjá bara stafsetningar- en ekki málfræði- eða samhengisvillur (-:

[Bjöggi (IP-tala skráð) 9.1.2008 kl. 16:56]

Bragi, það finnst mér akkúrat vera stór galli á púkaforritinu og ríra virði þess mikið fyrir mér. Mér finnst ég þurfa að borga allt of mikinn pening fyrir ófullkomið forrit.

[Púkinn, 9.1.2008 kl. 18:56]

1) fara stað -> fara af stað

2) stæðsta -> stærsta

3) nýjungur -> nýjung

4) víða -> víðar

5) leyta -> leita

6-7) er fjárfestum -> eru fjárfestar

Nú svo finnst mér "fjárfestingarfélag" ljótt orð - "fjárfestingafélag" er betra, en þau eru hins vegar bæði notuð.

"Umsóknir og spurningar eru veittar" er efnislega rangt.

Æ, já...eitt enn "A.T.H" er bæði ljótt og rangt. 

Yfirsást mér eitthvað?

Hvað það varðar að Púkinn geti bara skoðað stök orð, en ekki setningar í samhengi, þá er það alveg rétt - það liggur fyrir hálfklárað forrit sem myndi leysa þetta, en vandamálið er bara það að íslenski markaðurinn er of lítill til að standa undir þróun á því, þannig að forritið var lagt á hilluna þegar Tungutæknisjóðurinn var lagður niður. 

[Heimir Lárusson Fjeldsted, 9.1.2008 kl. 19:23]

Púkanum yfirsást ekkert. Það eru ekki fleiri orð.

[Ómar Ragnarsson, 9.1.2008 kl. 21:51]

Kannski hefði verið réttara og fljótlegra að tína það til sem var rétt í textanum.

[Riddarinn , 10.1.2008 kl. 01:06]

Hverjum er ekki skítsama um stafsetninguna ef þetta halar inn millum í massavís í kassann

Líklegast er þarna á ferðinni einhver útlendingur með einhverja glimrandi hugmynd um hvernig maður skuli ávaxta sitt pund og gæti kannski farið svo í endann að við myndum blogga hérna grein um lúsheppna gaurinn sem datt þetta snjallræði í hug og tókst það þó hann kynni ekki einu sinnu að stafsetja sómasamlega. 

Hef nú sterkan grun um að það séu einhverjir sem eru hérna sem séu nú ekki fullkomnir í stafsetningunni en Púka forritið reddar þeim fyrir horn.

Sjálfur er ég búinn að stein gleyma öllum þessum skrambans stafsetninga reglum fyrir lifandi löngu og mér líður samt ágætlega þrátt fyrir allt :) 

[Skafti Elíasson, 10.1.2008 kl. 08:10]

haha mér finnst þetta frábær auglýsing.

[Hallgrímur Óskarsson (IP-tala skráð) 10.1.2008 kl. 17:16]

Þessi auglýsing hefur að sjálfsögðu ekkert með fjárfestingarmál að gera.  Líklega er hér mannfræðirannsókn á ferðinni sem á að svara því hvaða hópur fólks hefur enn áhuga á að tefla á tæpt vað þrátt fyrir að varúðarbjöllur klingi nú sem aldrei fyrr.  Afar fróðleg rannsókn.  Mannfræðistúdentar hér á ferð?  Veit ekki.

[Ram (IP-tala skráð) 10.1.2008 kl. 19:18]

Ómar; Kannski réttara og fljótlrgra... en...

meðan Mogginn segir að elsti Íslendingurinn sé látinn er ekki von á góðu...