Borgarblús

Hér kemur ein vísa enn sem ég fékk í pósti og enn er höfundur ókunnur.

Borgarblús 

Dagur er liðinn og dæmalaus sorg, 
depurð og leiði í hnípinni borg. 
Ólafur Frjálslyndur (óháður þó) 
öllu brátt ræður í fjúki og snjó. 

Björn Ingi snarar sér Boss-jakkann í, 
blessaður engillinn kominn í frí. 
Svandís er forviða, heldur um haus, 
hennar er stóllinn þó alls ekki laus. 

Vilhjámur Þ., sá er stóð upp úr stól 
og stakk af til Kanarí rétt fyrir jól, 
kemur til baka með börnin sín smá 
og borgmester verður að ári hér frá.

Athugasemdir

[Vilborg Traustadóttir, 26.1.2008 kl. 00:04]

Nema hvað sætið hennar Svandísar var laust ....eftir allt saman......eða var það fyrir??

[Karl Benediktsson (IP-tala skráð) 26.1.2008 kl. 09:14]

Undirritaður skal svo sem gangast við þessum hálfkæringi, fyrst hann er farinn að flakka um bloggheima nafnlaust og stjórnlaust. Bætti við einu lokaversi - á ensku, bæði í nafni fjölmenningar og til heiðurs Emil Bóassyni, háskólabónda á Sælufelli í USA, sem átti raunar upptökin að kveðskapnum... / karl benediktsson 

Such is the blues of my city today
certainly politics have lost their way.
If we only could cast our votes again now
the world should be different. Question is how...

 

[Kolbrún Stefánsdóttir, 26.1.2008 kl. 09:50]

Takk fyrir þetta hver svo sem orti. Þetta er skemmtilegur bragur. 

Mætti gjarnan vera meira um vísur og ljóð  á  bloggsíðum almennt að mínu mati. kveðja Kolbrún.

[Þórir Kjartansson, 26.1.2008 kl. 11:31]

Takk fyrir skemmtilegar og vel kveðnar vísur Karl. Það er of sjaldan sem maður sér og heyrir slíkt í dag.